TRABALLANDO NA CASA: EDUCACIÓN FÍSICA III

Bos días a todas e todos. 

Hoxe comezamos o 3º trimestre e traballaremos novos contidos de E.F, así deixamos de traballar especificamente a expresión corporal e os bailes, aínda que sería bo traballar sempre un pouquiño nun rato que atopedes ao longo do día, para pasar a introducirnos nos xogos. 

A idea segue sendo a mesma, propoñendo desta vez xogos de diversos tipos e que vos os adaptedes en función do número de persoas, materiais, dificultade,… para que vos sexan o máis prácticos posibles e poidades disfrutar deles. Ireivos presentando diversos xogos para traballar de maneira individual ou colectiva, con xogos tradicionais, populares,… e con diversos materiais, sendo creados ou que podedes ter na casa. 

O traballo continua igual, propoñendo os xogos de carácter xeral ou adaptado a diversos niveis, se alguén precisa traballo máis específico pode contactar co equipo directivo e elas comigo. 

Xogos diversos para xogar de maneira individual ou en parellas esta semana do 13 ao 19 de abril. 

• Imitar diferentes animais que se vos ocorran. 

• Saltar á corda como xa practicamos en diversas clases. 

• Poñer unha corda nas costas como unha cola e intentar roubala ao resto e que non nola rouben a nós. 

• Botar pelotas de diversos tamaños, pasarnos a pelota con outras persoas, polo chan, con bote, polo aire,coa man, co pé,… 

• Intentar sacarlle a pelota aos que a están botando. 

• Xogar con globos, sen que caian ao chan, contar o número de toques,… 

• Intentar facer pompas de xabón coas mans, frotando ben e soprando. 

• Xogar ao voleibol co globo e utilizando cadeiras ou unha mesa baixa como rede. 

• Xogar aos bolos, utilizando de bolos diferentes envases como botellas de auga ,envases de lavalouzas,… As cadeiras poden usar un balón grande e empurralos nós ata que golpeen a pelota. 

• Xogar ao baloncesto usando unha papeleira, un cubo, intentando encestar a diversas distancias. As cadeiras de rodas póñense os cubos a carón das cadeiras. 

Un saúdo a todas e todos e agardando vervos o máis pronto posible e que estexades moi ben!