Ola familias!!!!!. Como vai todo?. Esperamos que esteades tod@s ben. Como isto de quedar na casa estase alargando, seguimos mandándovos unha serie de actividades que podedes facer cos vosos fill@s, e que así o tempo pase da mellor forma posible.
Botámosvos moito de menos e desexamos que isto remate pronto. !!!!!
Un biquiño. Os titor@s do 2º nivel .
1- ACTIVIDADES DE ALIMENTACIÓN:
Nesta ocasión, as actividades centraranse fundamentalmente na alimentación. Así que unha vez visualizado o vídeo da “Barcia come ben” as nenas e nenos realizarán diferentes exercicios onde se remarque o exposto.
a- Actividades de seguir a forma a diferentes froitas. As froitas forman parte dos alimentos reguladores do organismo, por tanto son esenciais na alimentación. Así pois, deberemos telas sempre presentes. A nena ou neno deberá realizar a contorna (axudaráselle o imprescindible). Secundariamente poderá encher o deseño perfilado con ceras, rotuladores, lapis de cor … co que teñamos na casa e máis nos preste!.
Podemos imprimir a mazá varias veces, pintándoa en diferentes cores, de xeito realista (vermello, verde e amarelo).
b- Actividades de emparellar comidas iguais
- AS FROITAS: A nena ou neno deberá emparellar as froitas iguais, dirémoslle o nome e secundariamente tamén poderá pintalas.
c- AS VERDURAS: Outros alimentos esenciais son as verduras.
No centro traballámolas facendo un grande mural “A horta de Balbina” baseándonos nesta canción:
A HORTA DE BALBINA
Para realizar esta actividade, a nena ou neno deberá identificar as parellas que nela se agochan e unilas cun lapis, bolígrafo ou cera (cando máis groso máis doado é de agarrar).
A HORTA DE BALBINA
Para realizar esta actividade, a nena ou neno deberá identificar as parellas que nela se agochan e unilas cun lapis, bolígrafo ou cera (cando máis groso máis doado é de agarrar).
2- ACTIVIDADES DE RELACIONAR.
a- Colorear o que máis che gusta e o que almorzaches ese día
b- Colorear as froitas e vencellar o alimento-traballador do sector primario do que parte.
c- Seleccionar os alimentos que metemos no frigorífico e relacionar as tendas de alimentación coa comida
d- Actividades Modelo de Lista da compra.
Tal actividade pódese completar recortando os produtos que veñen no catálogo do supermercado ou pegando os produtos nun folio.
e- Actividades Receita. Aínda que xa pasou a Semana Santa, deixámosvos por aquí unha receita de torrixas. Tendes que probar a facelas coa axuda de alguén. Son moi doadas e están boísimas!!!!!!!!!!!!!. Pero antes de empezar non esquezades de facer a lista da compra, para que así non falte ningún ingrediente.
Bo proveito!!!!!!!!!!!
f- Actividades-xogo coa Pirámide dos alimentos. Mandámosvos tamén un enlace para xogar á pirámide dos alimentos, É moi divertido. Atrevédesvos?
g- Cancións de Pica Pica vencelladas coa comida. Este grupo, que tanto vos gusta, ten dúas cancións dos alimentos, lembrádelas?
EL BAILE DE LA ENSALADA
EL BAILE DE LA FRUTA
3- ACTIVIDADE DE ATENCIÓN E SERIACIÓN CON OBXECTOS DA CASA.
4- ACTIVIDADE DO POLO PEPE.
Como lembrades da canción do anterior bloque, o Polo Pepe, por comer tanto… non podía saltar!.
Así pois, imos axudalo tachando desta lista de alimentos aqueles que non lle aportan máis que calorías e son perfectamente prescindibles para a dieta.
Ollo! Debedes tachar 7.
5- ACTIVIDADES DE GRAFOMOTRICIDADE: Como este aspecto é algo que cómpre seguir tendo en conta sempre, proseguiremos coas secuencias das actividades iniciadas na anterior ocasión: contorno de figuras grandes e visión espacial
Podedes descargar as actividades en PDF aquí:
Podedes descargar as actividades en PDF aquí:
No hay comentarios:
Publicar un comentario