Non podía ser doutro xeito. No noso cole celebramos a entrada da primavera facendo un precioso mural. Os encargados foron os rapaces das aulas 3 e 7, que axudados polas súas profes colaboraron na realización desta casiña tan primaveral que está adornando a entrada do noso recuncho. Esperamos que vos guste!
Este ano, as aulas de Educación Infantil (aulas 11 e 12) recibiron un novo recurso: a cuna de estimulación vestibular “Rocking Boat”.
Para describir con exactitude este tipo de tratamento e os seus beneficios, utilizamo-lo libro do autor Alfonso Lázaro Lázaro, “Aulas multisensoriales y de psicomotricidad” (2002, Ed. Mira), que di o seguinte:
“A estimulación vestibular forma parte da Área de Integración Sensorial e Estimulación Corporal Basal.[…] O sistema laberíntico vestibular está situado no oído interno e inclúe as partes non auditivas do mesmo. Esta estimulación serve para asociar experiencias visuais, táctis e propioceptivas cos movementos do propio corpo. Ademais incrementa as reaccións de equilibrio, a mellora atencional, a capacidade de comunicación e a integración sensoperceptiva[…].
A utilización das sensacións vestibulares, tanto para calmar coma para activar ao ser humano en diversas situacións, coñécese dende tempos inmemoriais. Poñemos, por exemplo, a maneira eficaz de tranquilizar ó bebe intranquilo, nervioso, que chora...e que consiste en mecelo rítmicamente. […] Pero tamén a situación contraria, a de activación: pensemos en deportes de risco e aventura que teñen unha alta dose de sensacións vestibulares, coma parapente, puenting,…
[…]Respecto aos nenos e nenas con dificultades moi diversas, a estimulación vestibular contribúe á tranquilidade cando é necesario lograr a calma e á activación cando se trata de aumentar o tono. Entre os beneficios educativos deste tipo de estimulación pódense sinalar melloras en reaccións posturais, equilibrio, marcha, coordinacións perceptivo-motrices, capacidade de atención e maior grao de comunicación.”
A continuación podedes ver os nenos e nenas do ciclo de Educación Infantil, disfrutando do novo balancín, en distintas situación de xogo, relaxación,…
Esta semana estamos de noraboa. Veñen a visitarnos profesores doutros centros de educación especial procedentes de La Unión (Murcia) e de Palma de Mallorca.
É un proxecto subvencionado polo MEC "PROGRAMA ARCE". Este tipo de programas promoven, por unha banda o desenvolvemento de actividades encamiñadas á innovación educativa e por outra banda o intercambio de experiencias con centros doutras comunidades autónomas, e polo tanto con outras realidades.
Deste intercambio de profesionais vai xurdir o máis importante...o intercambio de alumnado!. Será en xuño cando poderemos convivir co alumnado do CEE Son Ferriol de Palma de Mallorca e co alumnado do CEE Enrique Viviente, de La Unión (Murcia).
Seguro que será unha experiencia moi proveitosa.
PROGRAMA ARCE (cursos 2011-2013) Proxecto: "Ya somos mayores" Centros agrupados: CPEE A Barcia (Santiago de Compostela) CPEE Enrique Viviente (La Unión, Región de Murcia) CPEE Son Ferriol (Palma de Mallorca)
Este ano, o CEE A Barcia, participamos nas actividades deportivas e lúdicas promovidas dende a Xunta de Galicia a través do programa XOGADE (Xogos Galegos Deportivos) en idade escolar.
Nesta ocasion, os rapaces/as achegáronse a unha nova disciplina deportiva, A ESGRIMA, usando o xogo como ferramenta educativa.
E para que vexades o ben que o pasamos, aquí vos deixamos unhas fotos:
* Se pinchades nas catro frechas da dereita, veredes a presentación en grande
Todos aqueles que nos atopamos no mundo da educación especial, sabemos a sorte que é poder adicarse a un traballo que che reporta moitísimas satisfaccións. Coma en tódolos traballos, hai días duros, pero sempre nos descubrimos pensando en que somos afortunados por contar cada día con sorrisos coma este que vedes na foto.
Onte, cando abrimos o correo onde recibimos os mails relacionados con este blogue, encontrámonos cunhas palabras que nos emocionaron moito e que non fan máis que confirmar que somos uns grandes afortunados por traballar neste recuncho. Moitísimas grazas Xunqueira.
"Gracias por facernos soñar
Emocioneime ao entrar neste recuncho... Gracias aos que facedes posible que "vivir neste mundo diferente" sexa máis levadeiro.
Gracias pola ilusión, o empeño, a preocupación, o traballo, a comprensión, a implicación, a fortaleza... Gracias por soñar.
Son nai dunha nena que está neste cole, por 5º ano, e cada día que pasa, a vexo máis feliz... Non hai palabras que poidan expresar o agradecemento a tódolos profesionais que fan esto posible, dende as súas coidadoras, persoal de conserxería, persoal de comedor, de limpeza... ata o seu profesorado...
Moito ánimo para que non decaia, e o sorriso destes nenos estea sempre presente".
Está formado por tres profesores especialistas en A. L.
O obxectivo fundamental do equipo é desenvolver a comunicación, xa sexa oral ou empregando sistemas alternativos ou aumentativos (SAAC).
"O mestre de A.L ten como finalidade a prevención, o diagnóstico, o pronóstico, o tratamento e a avaliación integral dos trastornos de comunicación humana: xa sexan trastornos da fala ou da linguaxe". *Definición traducida e compartida de:
Traballámo-la comunicación en coordinación co profesor titor e coa familia de cada alumno.
As sesións no gabinete duran 25 minutos e son de traballo individual.
Cando é preciso o profesor de A.L. tamén intervén na aula do propio alumno.
A programación coordínase cos diferentes profesionais que interveñen no alumnado.
A metodoloxía é funcional partindo de situacións concretas de comunicación e usando preferentemente as novas tecnoloxías por seren motivadoras e máis atractivas.
QUE ALUMNADO ASISTE?:
O alumnado que determina o equipo conxuntamente coa orientadora do centro e xefatura de estudios, oído o claustro.
A selección faise en base a criterios fixos aprobados polo claustro.
Dende o ciclo de Educación Infantil recoméndannos este libro, "El cazo de Lorenzo", de Isabel Carrier. Como adianto, deixámosvos este bonito montaxe audiovisual baseado nel. Agardamos que vos guste!
Tal día como hoxe, non queriamos deixar de facer a nosa particular homenaxe a todas aquelas mulleres que traballan arreo, ben sexa dentro ou fora da casa. Para elas vai adicada esta entrada.
Navegando pola rede, atopamos estas reflexións do debuxante Forges que nos parecen do máis interesantes:
E xa para rematar, deixámosvos esta preciosa montaxe de fotos esperando que vos guste.
TENREIRA CON FIDEOS E SALSA DE TOMATE/PEXEGO EN XAROPE
13
BOCADILLO DE SALCHICHÓN OU FROITA (1)
CONSOMÉ/COCIDO/MANDARINA
14
BOCADILLO DE PEITUGA DE PAVO OU FROITA (1)
CREMA DE VERDURAS/FIDEOS CON XIBA/IOGUR
15
BOCADILLO DE CHOURIZO DE OU FROITA (1)
COLIFLOR CON RUSTRIDO
RAXO Á LARANXA CON PATACAS FRITAS/PERA
16
BOCADILLO DE QUEIXO OU FROITA (1)
POTAXE DE ACELGAS/CROQUETAS COM ENSALADA DE TOMATE/KIWI
20
BOCADILLO DE CHOCOLATE OU FROITA (1)
CHÍCHAROS CON PATACAS E XAMÓN COCIDO
ARROZ CON POLO E LURAS /PERA
21
BOCADILLO DE PEITUGA DE PAVO OU FROITA (1)
ENSALADIÑA RUSA/ESPAGUETES Á BOLOÑESA/MANDARINA
22
BOCADILLO DE XAMÓN COCIDO OU FROITA (1)
SOPA XULIANA/ARROZ CON BACALLAO/PLÁTANO
23
BOCADILLO DE QUEIXO OU FROITA
CREMA DE CENORIA
POLO CON PATACAS COCIDAS/PIÑA EN XAROPE
26
BOCADILLO DE CHOCOLATE OU FROITA
CALDO VERDE/ TENREIRA CON ARROZ BRANCO/MANDARINA
27
BOCADILLO DE CHOURIZO OU FROITA
LENTELLAS GUISADAS/CROQUETAS CON ENSALADA/KIWI
28
BOCADILLO DE XAMÓN COCIDO OU FROITA
ESPINACAS CON BECHEMEL/MELVA Á GALEGA/IOGUR
29
BOCADILLO DE PEITUGA DE PAVO OU FROITA (1)
CREMA DE CENORIA, PORRO E PATACA
POLO CON GORNICIÓN/PLÁTANO
30
BOCADILLO DE QUEIXO OU FROITA
SOPA DE TAPIOCA/LURAS FRITAS CON ENSALADA DETOMATE/PERA
(1) Toman froita a media mañá, en lugar de bocadillo, aqueles nenos que teñen tendencia ó sobrepeso. A MERENDA DE MEDIA MAÑÁ A TOMAN O ALUMNADO QUE COME NA 2º QUENDA DO COMEDOR, ÁS 15H.
