CARNÉ XOVE

É unha tarxeta persoal e intransferible á disposición dos mozos/as entre 12 e 30 anos. Ten unha vixencia de dous anos a partires da data de expedición.

Con este carné o voso/a  fillo/a obtén descontos e vantaxes das entidades colaboradoras en Galicia, no resto das comunidades autónomas españolas e nos 40  países europeos adheridos ao programa do Carné Xove.

• Campamentos da Xunta.
• Cines.
• Diferentes establecementos.
• Eventos culturais
• Etc.

Os establecementos adheridos podédelos identificar co símbolo.

Para facelo tedes que  cubrir un impreso de solicitude, acreditando a túa identidade co DNI ou pasaporte e pagar 6€ mediante o impreso das taxas

Os mozos e mozas que acrediten unha discapacidade igual ou superior ao 33 %, terán dereito á expedición gratuíta deste carné. Así como as persoas vítimas de violencia de xénero e os  seus fillos/as.

As persoas que posúan o Carné Xove contan cun seguro de balde que cubre un  importante  número de continxencias. Aquí tedes algún exemplos, hai moitos máis:

• Asistencia por accidente ou enfermidade durante a viaxe.
• Asistencia por danos á equipaxe
• Asistencia por atraso dos medios de transporte
• Asistencia por responsabilidade civil
• Cancelación da viaxe por folga.
• Etc.

O carné xove pódese facer en:

• Servizos de Xuventude dos Departamentos Territoriais da Consellería de Traballo  e Benestar. 
• Nas oficinas municipais de información xuvenil  integradas na Rede Galega de información e documentación xuvenil
• Centro Coordinador de información e Documentación Xuvenil de Galicia, en   Santiago de Compostela.
• Oficinas de Abanca.

DEPARTAMENTO DE ORIENTACIÓN